[ .. المراجل كايده !! ~ المراجل يامحمد تبي وسعة صدر.. ]

المراجل يا محمد تبي وسعة صدر
ما تبي رجل (ن) على طول لاعبّا يثور

اقمع النفس الضعيفه و راقب وانتظر
و اعرف ان الكايده تنكسر عند الصبور

انثر القوه على الحلم يصبح لك قدر
لا تفكك ذيّ عن ذيّ تدخل فــ امحظور

مهب معنى ذا توطّي ارقبتك للبشر
عز نفسك لاتولّي فــ الملاقا دبور

لو يزيد الوقت جوره و حظك ينصهر
لا تحطم / رد / حاول / و خطط للعبور

ضيّر الصعبه على السهله و خلّك حذر
لا تماري بانتصارك و يذبحك الغرور

لازم انك اتحشم عمرك عن الوجه الودر
و اللسان حصان لاطاش يلحق بك قصور

مد يمناك لرفيقك الى جا يعتذر
و اكسبه في قولة انك امسامح وامعذور

قدّم الجزله على اللي يخالطها قشر
في المجالس فل دايم احجاجك للحضور

بالك تواجه عسر في لين .. و لين بعسر
انتصفها خل ميلتك تذكرة المرور

لا تحاقر أي كلمه لو انها من بزر
مايحكم الهرج أيام و سنين وشهور

لا تخطّم لاتحاكى عليه .. و تنفجر
اتركه لين يتكلم وعقّب في سرور

لايغط النوم عينك مع فرض الفجر
و اطلب الله جعل ياقاك صكات القبور

لا تباسى في صلاتك على ان دينك يسر
الولي متوعّد اللي قضى فاسق فجور

افتح المجلس و لحّن على صوت النجر
اغد ملفى للمشاكيل و عيال الصقور

كرّم الطّرقي الى جاك تعبان وسدر
قل تقهوى ثم تعشى وهات اله البخور

خل صيتك يقهر البخل ويعز الفقر
خل من صرّ الدنانير أعصابه تفور

فوق هذا ياكحيلان خلّك تدّهر
مع قصيرك لا تردد بتضبيط الأمور

لنشغل عنّك تمرّه وتنشده الخبر
ياعسى ماشر علامك ياغايب ماتزور

ان تضايق يوم فرّج عليه امن الكدر
وقّف بحالك ومالك وصامل ماتبور

والوصل في والدينك مثل غصن الشجر
لونه أبطى مارويته بيذبل ياامعثور

ان جحدت احسانهم يوم تندم لك دهر
والليالي لازم انها على الظالم تدور

والجناحين احرص انها تعيب وتنكسر
مايهد الطير من غيرها لونه جسور

الأخو لوّك بتهديه من عمرك عمر
ماتوفّي .. لنه لك لبّ ولغيرك قشور

خذ وأنا عمّك كلامي نصيحه واعتبر
مايخسر (ونعم) رجّال في الشدّه صبور

هههههههههههههههههههههههههه ...
(ونعم ) مت من الظحك ...
مع تحياتي لكم ...

هههههههههههههههههههههه ...
جفت عااااد ..
وتحيااتي لك ..

تسلم يا البدوي ..
ونتريا تفااعلك في المنتدى ...

ههههههههههههههههههههههه ضحك الصراحهـ ..

ههههههههههههه ايه والله ..
تسلمين الغاالية مع تفااعلج ويااي ..