وجدي على المقناص ياخوك وجداه
وشوف الربيع وسجتٍ بالحمـادي
باارضٍ خلا وبارق الوسم قد جـاه
فيه الزبيدي نلقى فطوره جـدادي
مع كل قرمٍ تفعل الطيـب يمنـاه
هذا هوى بالـي وغايـة مـرادي
من فوق جيبٍ يطوي البعد ممشاه
مامون في قطع الوعر والريـادي
يامحـلا لاقيـل اثرهـا لقيـنـاه
تبحـرو ياربوعنـا بالـركـادي
مابه قصص ياوين اثرهـا فقدنـاه
الجو ممطر والهوى فيـه هـادي
وفرعنا بالـي يابوماجـد نقلنـاه
فرخ الحرار وضـاريٍ بالهـدادي
ابيض نحـر والمناكـب محنـاه
لـحاق للخرب المقفـي عنـادي
وذياب هـد وتلـو الجيـب ويـاه
طلعه بعيـدٍ والحبـاري بعـادي
وذياب عانق لـه حفـانٍ تحـداه
تردم ويردم فوق مثـل الجـرادي
والحمد لله يـوم اذيـابٍ تعـلااه
وحـول بهـا متفـرشٍ الثنـادي
وباقي الحباري كما سحالٍ مجفـاه
تخامرت يوم شافت الطير صادي
والرمي زان وصار فيها معايـاه
كـلاً يقـول انـه بصـيـد زادي
وزان المعشى وراعي الكيف سواه
الماء غديـر وزاد فيهـا القنـادي
والكل منهم جذب طيـره وعشـاه
متواعدين الصبح وقـت البـرادي
الأحد ديسمبر 07, 2008 2:09 pm
