راسك علامك رافعه يـوم احاكيـك
الظاهر اني فوق حجمـك عطيتـك
لحظه نبي نرجـع دقيقـه لماضيـك
بذكـرك فـي أي حـالـه لقيـتـك
كان الضيـاع ودمعتيـن تخاويـك
منهار وفي عـز انهيـارك خذيتـك
وارخصت عمري لأجل احبك واداريك
هدمت قصـر الـذل فيـك وبنيتـك
كان الغـلا شمعـه تنـور لياليـك
لو اظلمت دنيـاك جيـت وضويتـك
يا للأسف كنت امدحك وافتخر فيـك
رفعت من شانـك وعليـت صيتـك
كنت عندي غير وما أقـدر أخليـك
وأموت واحيا ان قلت سـم وفديتـك
اليوم اشوفك خنـت حتـى مباديـك
صغرت في عيني أنا اللـي هويتـك
الضيـف لـو انـه عـدو معاديـك
غصب عليك تقـدره وسـط بيتـك
يا صاحبي بتموت مانـي براجيـك
واشره علي ّان كان حتـى طريتـك
لاصار ذل النفس في قلـب يغليـك
يلعنك يـا قلـب عشقـك وشريتـك
اضحك حبيبـي دام وقتـك مسليـك
بكره تموت مـن القهـر لانسيتـك
مع تحياتي لكم ...^^
الأربعاء أغسطس 06, 2008 5:27 pm
