نبذه عن فزااع

موضوع: نبذه عن فزااع الإثنين أغسطس 04, 2008 7:10 pm

السلام عليكم
جبتلكم نبذه عن الشاعر فزاع

البطاقه الشخصية للشيخ حمدان بن محمد بن راشد آل مكتوم...

الاسم: حمدان بن محمد بن راشد آل مكتوم

اللقب : فزاع

تاريخ الميلاد: 1982\11\13

البرج: العقرب

الشخصية: مرح و متواضع

الهوايات: الشعر- ركوب الخيل- القنص- البلياردو- البولينغ- كرة القدم

المهنه:رئيس نادي الاهلي ورئيس مؤسسه محمد بن راشد لمشاريع الشباب و رئيس مجلس إدارة بنك دبي الوطني

في السباقات: يحمل الرقم 3

تصنيفه بين الفرسان: المصنف الاول عالميا

ترتيبه بين اخوته : لخامس

اخوانه بالترتيب :منال- حصه- راشد- ميثاء- حمدان- مكتوم- أحمد- مايد- سعيد- لطيفة- منصور- مريم- شيخة- فاطمة- سلامه- شمه

دراساته : درس بمدرسة راشد الخاصة للبنين في الثانوية ثم التحق بجامعة سانت هيرز(العسكرية)في بريطانيا

أفضل المطربات لديه: أصالة والمرحومة ذكرى

افضل قصيدة لديه: لمني

المكان المفضل لديه: ربوع دبي وافي سنتر , السينما ، لندن بالصيف

من قصائده الرائعه

من هو فزاع؟

أنا عنواني اشعاري واسمي في معانيها وأوّل بيت أنا قلته غدا تاريخ ميلادي
إذا تنشِدْ عن أخباري من اوّلْها لتاليها أنا اشعاري هي اخباري على ما اْريد تنقادي
وانا أمّي إماراتي ولِدْت وعشت أنا فيها وابوي أمجاد عرباني وطاري ماضي اجدادي
واخواني أنا المليار مسلم في أراضيها وانا القرآن والسِنّه غَدَوا زادي وزوّادي
أعيش هْمومي وفَرْحي ولا لي نيّه أخفيها وأكبر همّي المقدس وطفلٍ جنبه يْنادي
يهزّ بْصَرْخته أرضٍ نوى الصهيون يمحيها من التاريخ، والعالم وقَفْ مكتوف الايادي
وانا ايّامي هي اسْتاذي تعلّمني لياليها فلا خيرٍ بإنسانٍ يِفادْ ولا بَعَدْ فادي
و(زايد) قِدْوِتي (زايد) و(زايد) من يزهّيها بلاده شانها عالي باسمهْ دايمْ تْشادي
وروحي (محمّد المغوار) ابن راشد يغذّيها من أشعاره من أفكاره، بنيت بْمجدهْ امجادي
مرَبِنّي على الجودْ وعلى المعروف واحميها بلادي حبّي الأول ولا لي غيرها بلادي

--------------------------------------------------------------------------------
الناس للناس
خلك معي خلي ترا الناس للناس

ضدي ترا ضدي ومعايه معايه
احس بك دايم بانفاس الانفاس
وانته ضيا عيني ومنايه منايه

لاتسمع العاذل وسواس وسواس
ومن علتي انتي شفايه شفايه
لو طال هجرانك ف لاباس لاباس
غلطان استاهل دوايه دوايه

السهم من عينك وامواس الامواس
وانا اناديلك دمايه دمايه
سمعتي الموشي وارجاس الارجاس
واللي جرا منك كفايه كفايه

اعلنت من وصلك بافلاس الافلاس
واختاري انتي بين شايه وشايه
اما ترديلي باحساس الاحساس
ولا انتفارق والنهايه نهايه

متعود ابدله الالماس بالالماس
مايهم اكسب والهوايه هوايه
خدعت حاسب يضرب الراس بالراس
مسكين وادريبه ورايه ورايه

روح وروح

روح و روح ابعد بدنياك …
يا متعب قلبي بصدك …
الدرب لي ضحك بكاك …
موت تكوى بنار حقدك …

كم في العذارا ناس شرواك …
بحر الجمال يفوق مدك …
اليوم الي بيصير وياك …
باكر معاك الايام ضدك …

تذكر زمان كنت اهواك …
انت الوحيد ومين قدك…
ودك ادور غير لقياك …
ودك ادور غير ودك …

انا نسيتك قبل لانساك ...
وحتى خفوقي اليوم هدك …
وبكل صراحة واتحداك …
اوقف مكانك عند حدك …

لقياك اصبح مثل فرقاك …
والبحر مده غير مدك…
والدرب لي ضحك بكاك …
موت وتكوى بنار حقدك

--------------------------------------------------------------------------------
ثمار الهوى
ليتك معي يوم الهوى نود نسناس من الفرح والله ما تدمع العين

ناس على تعذيب ناس لهم ناس وهذا الهوى ياخذ قلوب المحبين

لكن لا يطري على بالك الياس ذوق الهوى دامك تعيش العمر حين

خذ من عطر ورد مع طيب الانفاس واقطف من اثمار الهوى في البساتين

خلك مع حلو اللما عذب الالعاس الجادل اللي فايق بكل تكوين

لا تحط نفسك بين وعرات الاطعاس وافهم بأن الحب عذب ملايين

الحب مرجع للمحبين واحساس والحب هو في قلب الاحباب نوعين

ع كيف ما تبغي لك تدق الاجراس والشاطر اللي يملك الحب بيدين

جيتك على الموعد

جيتك على الموعد ولا جيت وش عن لقانا مانعنّك
كَنّك عن الموعد تخلّيت يا ويل يَاللي عاشقنّك
ليتك لصوت المغرم أصغيت أوتار صوته يعزفنّك
كل حرف منّك يستوي بيت وارْبَعْ حروفٍ ينطقنّك
ياما على شانك تحدّيت سود اللّيالي واسهرنّك
منّك أنا لا حَيّ لا مَيْت لا مَيتْ ولا حَيّ منّك
يوم بْنِظَرْ عيني تربّيت وامرت بامرك طايعنّك
ليش التغلّي والتعنّيت آهات صدري ما كفنّك
لو نِكْ تباعدت وتقاسيت لك في المحبّه عكس ظنّك
إن كان لي يوم وتمنّيت شوفة عيونك طالبنّك

وين انت

وين انت ياللي كل ما قلت وين انت
حتى السؤال يقول وين الاجابة
عامين ضايق وانت لليوم ما بنت
هي حالتي بين الحزن والكابة
لوشنت بعيون المخاليق ما شنت
في عين من حبك سرابه سرابه
لو لا الغلا يا صاحبي ما تمكنت
صدر من الهجران صاير خرابه
عود علي وانا ترياك لا هنت
الحال واحد والظروف تشابه
واذا سالت اتحبني قلت لي كنت
وانا ابتسم من باب حب الدعابه
وان خنتني اعلم ترى ما بعد خنت
الا معاك لكن خونك ذرابه
خنتك مع طيفك بعد ما تيقنت
انك علي بعد الثرى والسحابة
اكبر خطى محبتك وانت ما صنت
حب يخلده المشيب لشبابه
تدري وش يغيظ الرجل في هوى البنت
انه يعيش في واقع ما درابه
اذا سالت تحبني قلت لي كنت
وانا ابتسم من باب حب الدعابه
لكن انا وشهو انا وانت ويش انت
هذا السؤال اللي يبيله اجابة

أحلى زعل

جيت بزعل عليك .. وناوي بالخصام

كل ما في خفوقي .. بس ازعل عليك

يعني روّح واروّح .. واسري ليل الظلام

بس من يوم شفتك .. قلت برضا عليك

خل روحي بروحك .. هذا اغلى وسام

خل عيني بعينك .. خل ايدي بديك

ياشروق المحبه .. يا شموع الغرام

يا ورود بحياتي عطرها يهتديك

سلم برمش عينك .. هالتغلي حرام

ما تموت المشاعر .. دامني احتويك

انطبع في خفوقي اسمك بحرف لام

وفي عيوني عشقتك بحياتي ابيك

دامك بوسط عيني .. كيف عيني تنام

ودامك بنبض قلبي .. كيف ما افتديك

مد لي كف وصلك .. قولها بحترام

موت احبك واحبك .. موت انا اموت فيك

عاد تبغي الصراحه .. ما تويت الخصام

هذا قلبي يحاسب .. كل خطوة اليك

اقترب لك حبيبي بالغلى والسلام

يا حبيبي بصراحه .. حلوه غمضه عنيك

يا أيها

تعال يا وجه السعد واشطب على الوجه البغيض ... يا حيٌك وطلتك في وجهي بعد يا حيٌها

تنعشني انعاش الشفاء العاجل لقلب المريض ... يا أيها . . تدري يا لبٌيك وش يا أيٌها؟

ما انته بزيٌ الناس واكتبها لك بخط عريض ... تبغيني احلف ؟ لا ورب البيت ما انت بزيٌها

ياللي غرامك في خفوقي من كثر قدره يفيض ... النفس تندب حظها والعين تبكي حيٌها

من عَوَضْكَ لْيا فقدتك وان وجد كيف استعيض ... وانت النهار وشمسه وشجرة غلاي وفيٌها

هاجرت واصبح زوالك ف عيني يهاجرني وميض ... يا أول جروحي دخيل الله من تاليٌها

أحيا حلى وصلك واموت بكل برد وكل قيض ... تظما مشاعر خافقي لك وانت سبٌة ريٌها

لبيك ياللي من عشقتك قمت احس اني حظيظ ... يا مغويٍ نفسي ونفسي ذايبه من غيٌها

أنا اعرف ان كل الليالي سود وألايام بيض ... دامك معي ماهمني في كثرها وشويٌها
وسلامتكم!!

والله ونعم في شيخنا ...
مع تحياتي لكم ...

و7 أنعااام والله ..
وتحيااتي لك ..
:
والسموحه ..^^

» نبذه عن حياة الشهيد عمر المختار